Duke filluar nga 10-12 Prill 2015, Protik me mbeshtetjen e Vodafone Albania organizon për herë të parë në Shqipëri maratonën më të madhe teknologjike të krijuar nga NASA.
International Space Challenge është një konkurs ku grupe nga fusha e teknologjisë, kërkues shkencorë, projektues, artistë, mësues, sipërmarrës, zhvillues software dhe studentë nga e gjithë bota, do të bashkëpunojnë duke përdorur burime të ndryshme të dhënash për të gjetur zgjidhje inovative për sfidat e prezantuara nga NASA.
Ky aktivitet do të organizohet brenda 48 oreve në më shumë se 130 qytete në mbarë botën.
Për të mësuar më shumë rreth sfidave të paraqitura nga NASA ndiqni linkun e mëposhtëm: www.2015.spaceappschallenge.org
Nëse jeni të talentuar në projektim, vizualizim të dhënash, robotikë, hardware, software MOS humbni rastin për të qenë pjesë e këtij konkursi. Projekti juaj mund të shkojë në HAPËSIRË!
Bëhuni pjesë e kësaj sfide duke u regjistruar në linkun: https://2015.spaceappschallenge.org/register/
Të gjithë aplikantët do të mblidhen për të punuar në grupe në ambjentet e Qendrës Protik në mënyrë që të zhvillojnë zgjidhje inovative për sfidat e paraqitura nga NASA. Zgjidhjet më të spikatura të sfidave do të kandidojnë për çmime ndërkombëtare.
Për më shumë informacion na kontaktoni në adresën [email protected]