Samsung-ut i del situata nga kontrolli, publikohet videoja prezantuese e Galaxy S10

Samsung prezanton ditën e sotme zyrtarisht gjeneratën e re të Galaxy S10.

Por, ndërkohë që duhen edhe disa orë nga nisja e eventit “Unpacked”, në rrjet ka “rrjedhur” një video që thuhet të jetë ‘traileri’ zyrtar i Galaxy S10.

Videoja është postuar në YouTube dhe konfirmon edhe një herë thashethemet që janë bërë gjatë gjithë kësaj kohe rreth tipareve të serisë së 10 të Galaxy.

Reklama tregon gjithashtu edhe “Galaxy Buds”, kufjet e reja që thuhet se mund të karikohen pa tela nga celularët e rinj Galaxy.

Gjithsesi, të gjitha këto mbeten për t’u konfirmuar në eventin e sotëm.