Telekom Albania ofron internet falas në Vlorë

Disa nga zonat më të frekuentuara të qytetit jugor të Vlorës ofrojnë mundësinë që të lundrohet falas në internet me Telekom Free Wi-Fi. Që nga mëngjesi i 28 nëntorit, në pesë zona të qytetit, Telekom Albania mundëson internet wi-fi falas për të gjithë qytetarët. Tashmë ata mund të lundrojnë në internet, të ndajnë foto me miqtë në rrjetet sociale, të kontrollojnë emailin apo të dëgjojnë muzikën e tyre të preferuar.

Zonat të cilat mund të kenë akses në Telekom Free Wi-Fi janë: Universiteti “Ismail Qemali”, sheshi “Pavarësia”, shëtitorja “Skelë”, Bashkia e Vlorës dhe Lungomare. Ky shërbim u bë i aksesueshëm për qytetarët duke nisur nga mëngjesi i 28 nëntorit dhe përkon me festën e Pavarësisë.

Me qëllim kujtimin e kësaj date dhe argëtimin e qytetarëve vlonjatë, Telekom në bashkëpunim me Bashkinë e Vlorës organizuan festime në sheshin “Skelë”. Eventi nisi rreth orës 18:00 me këngëtarë dhe DJ të ftuar. Kryetari i Bashkisë mbajti një fjalim të shkurtër gjatë të cilit prezantoi zonat që do të kenë akses falas në internet falas wi­fi. 

Siç është njoftuar edhe më parë, Telekom Albania shënoi çeljen e një epoke tjetër teknologjike në Shqipëri. Në korrik kompania bëri me dije se do të ofronte internetin më të shpejtë të gjeneratës së katërt (4G dhe 4G+), fuqia e së cilës arrin në 225 Mbps. Vlora është një nga qytetet e para ku ky shërbim ka nisur të ofrohet, për t’u shtrirë më pas në të gjithë territorin e vendit. Në këtë mënyrë Shqipëria bëhet një ndër vendet e para në Europë që ofron 4G+.

Qytetarët dhe studentët e qytetit të Vlorës tani kanë mundësi të përfitojnë internet të shpejtë dhe të sigurt pa pagesë vetëm duke aksesuar në Telekom wi-fi. Ashtu si në të kaluarën, Telekom Albania do të vazhdojë të ofrojë për abonentët e tij shërbimet më të avancuara të teknologjisë botërore. Si pjesë e grupit Deutsche Telekom, Telekom Albania përfaqëson inovacionin, teknologjinë më të përparuar të komunikimeve dhe standardet më të larta të cilësisë së shërbimeve.