Kompania disenjuese “New Wind R&D” ka krijuar një turbinë “të heshtur” e quajtur “Pema erë”, e cila mendohet të vendoset në peisazhet e banuara. Është një strukturë 36 këmbë e gjatë prej çeliku me 72 gjethe artificiale. Janë gjethet ato që prodhojnë energjinë, njëlloj si fotosinteza te bimët. Çdonjëra prej tyre është një “Aerogjethe”, një mini-turbinë e ngjitur me strukturën kryesore, të lidhur me një gjenerator të integruar. New Wind thotë se kabllot dhe pjesët elektronike janë brenda gjetheve dhe teknologjia është krijuar e tillë që të përballojë edhe kushtet ekstreme të motit. Ato nuk janë të kufizuara në konceptin e thjeshtë të “pemës”, por janë të dizenjuara të tilla që të jenë të përshtatshme për kopshte, ballkone dhe struktura të tjera. “Pema erë” është e përshtatshme për të marrë energji edhe nga puhiza të lehta ere, por mund të jetë e dobishme të përdorë të gjitha tipet e erërave, turbulencat 360 gradë ose laminare. Ajo që është e rëndësishme, ndryshe nga turbinat me erë të zakonshme, këto “pemë erë” janë shumë të përshtatshme edhe për mjediset brenda qyteteve. Duke qenë se ato janë krijuar për t’u dukur “organike”, i bën ato shumë të përshtatshme për t’u vendosur dhe në mjediset urbane dhe të ndriçojnë.