Twitter nis “luftën” kundër postimeve të rreme për vaksinat anti-Covid

Kompania Twitter deklaroi se ka nisur të shënojë keqinformimet mbi vaksinat, të postuara në platformat e tij, duke etiketuar tweet-et dhe duke i bllokuar shkelësit e përsëritur.

Gjiganti i mediave sociale tha se do të shënojë tweet-et që dyshohet se përmbajnë informacione mashtruese në lidhje me vaksinat kundër koronavirusit.

Llogaritë që shkelin vazhdimisht rregullat e Twitterit do t’i nënshtrohen një sistemi paralajmërimi, për shembull, një tweet i fshirë do të marrë dy paralajmërime e më pas do të bllokohet.

Dy ose tre paralajmërime mund të rezultojnë në një bllokim 12-orësh, katër paralajmërime mund të dërgojnë në mbylljen e llogarisë për një javë dhe pesë paralajmërime në bllokim të përhershëm.