Zyra e Inteligjencës Kombëtare të SHBA-së ka marrë 510 video të reja për UFO-t

Zyra e Inteligjencës Kombëtare të SHBA-së ka marrë 510 video të reja për UFO-t, të cilat janë analizuar me vëmendje. Pothuajse gjysma e pamjeve të reja u konsideruan “të paqarta” dhe u konsideruan me origjinë njerëzore. Megjithatë, mbi 100 video mbeten të pashpjegueshme.

Raporti thotë se takimet me UFO-t – të cilat qeveria amerikane i quan “Fenomene Ajrore të Paidentifikuara” – vazhdojnë “të ndodhin edhe në hapësira ajrore të kufizuara duke theksuar shqetësimet e mundshme për sigurinë kombëtare”. Nga 366 raporte, 26 u përcaktuan se ishin dronë, 163 ishin balona dhe 6 objekte ajrore iu atribuuan rrëmujës së aviacionit. Më tej thuhet se 171 pamje mbeten ende “të pakarakterizuara dhe të paatribuara” – që do të thotë se nuk u mblodhën informacione të mjaftueshme për t’i identifikuar ato në mënyrë efektive.

“Disa nga këto pamje duket se kanë demonstruar karakteristika të pazakonta fluturimi ose aftësi të performancës që kërkojnë analiza të mëtejshme” – thotë raporti. Videot janë duke u ekzaminuar nga një zyrë në Pentagon e krijuar vitin e kaluar për të shqyrtuar fenomene të ngjashme. Muajin e kaluar, nënsekretari amerikan i Mbrojtjes për Inteligjencën dhe Sigurinë e Pentagonit tha për mediat: “Ne nuk kemi parë asgjë që do të na bënte të besojmë se ndonjë nga këto objekte janë me origjinë aliene”.

“Unë nuk kam parë asgjë në ato pamje deri më sot që do të sugjeronte se ka pasur një vizitë aliene, një përplasje alienësh ose diçka të tillë” – shtoi Ronald Moultrie. Përpjekja sipas tij vazhdon për të identifikuar nëse UFO-t e pasqaruara kanë origjinë tokësore. “Në mungesë të mundësisë për të zgjidhur se çfarë ato janë ne supozojmë se mund të jenë armiqësore. Dhe kështu, ne duhet ta marrim këtë seriozisht”