Florian Binaj i referohet Nikoll Lesit

Kandidati i pavarur për Bashkinë e Tiranës, Florian Binaj, e ka krahasuar kandidimin e tij me atë të botuesit të gazetës KOHA JONE, Nikoll Lesi në vitin 1997. Binaj u shpreh: “Rasti im është i ngjashëm me atë të zotit Nikoll Lesi kur ai vendosi të kandidojë i pavarur si deputet dhe pati përkrahjen e gjithë spektrit politik. Edhe unë po ndjej të njëjtën frymë bashkimi përtej partive,” deklaroi Binaj.

Nikoll Lesi ka fituar dy herë si kandidat për deputet i pavarur në Lezhë, në vitin 1997 dhe 2001.

Ai falënderoi publikisht të gjitha forcat opozitare që e kanë përkrahur dhe u shpreh se objektivi i tij është të sjellë një model të ri politik, të pavarur nga interesat partiake, duke premtuar “një transformim real të Tiranës, me njerëz që punojnë për qytetarët, jo për partitë.”