Aksident në dalje të tunelit të Elbasanit, vdesin dy vajza dhe dy në gjëndje kritike për jetën

Mësohet se fatkeqësisht 2 nga vajzat kanë ndërruar jetë dhe dy janë plagosur, ku njera ndodhet në gjëndje kritike për jetën. Vajzat që kanë ndërruar jetë janë një 23 dhe tjetra 21-vjeçare.

Shoferi i makinës që goditi makinën ku ndodheshin katër vajzat është një 58 vjeçar me emrin Behar Pema. Ai ishte në gjëndje të dehur dhe udhëtonte me shpejtësi sketerrë, raporton BW.

Njoftimi i policisë:

Në aksin rrugor Tiranë-Elbasan, në dalje të tunelit të Krrabës, një mjet tip “Benz”,  dyshohet se  ka goditur mjetin  tip “Volkswagen”, ku udhëtonin 4 shtetase.

Shërbimet e Policisë dhe të zjarrëfikses kanë bërë e mundur nxjerrjen nga mjeti të 4 shtetasve të cilit ishin të bllokuar, të cilat u transportuan menjëherë në  spital për ndihmë mjekësore, ku 2 shtetase si pasojë e plagëve të marra kanë ndërruar jetë në spital.

Grupi hetimor ndodhet në vendngjarje dhe po punon për zbardhjen dhe sqarimin e shkakut të aksidentit. Mësohet se mjeti tip Benz që ka goditur mjetin ku udhëtonin katër vajzat, ka qenë me shpejtësi shumë të madhe.