Aksident me 3 të plagosur në Bulqizë, njëri prej tyre niset me urgjencë në Tiranë

Një aksident i rëndë ka ndodhur pasditen e sotme në rrugën që lidh Bulqizën me Peshkopinë. Ngjarja ka ndodhur ne afërsi te pishave në Fushë-Bulqizë dhe tre persona kanë mbetur të plagosur.

Të plagosurit, identiteti i të cilëve nuk bëhet me dije janë dërguar menjëherë në spitalin e Bulqizës.

Njëri prej të plagosurve për shkak të plagëve të rënda është dërguar me autoambulancë në drejtim të Tiranës për një mjekim më të specializuar.