Protesta e nisur nga studentët prej orës 14:00 tek Ministria e Arsimit, po vijon tashmë në ”Rrugën e Durrësit” nga protestuesit, vend i cili është kthyer si një arenë lufte. Protestuesit mësynë në një institucion financiar “‘Iute Credit’, i morën mobilljet dhe ia flakën në rrugë duke i vënë zjarrin. Në një video, shihet edhe një i ri që tenton të hapi bankomatin.
13 persona deri më tani kanë marrë ndihmë mjekësore pas protestës dhe përshkallëzimit të saj, sipas njoftimit të Ministrisë së Shëndetësisë dhe Mirëqenies Sociale. Në QSUT janë paraqitur tre protestues me shqetësime shëndetësore pas ekspozimit ndaj gazit. Dy prej tyre janë larguar nga spitali pas konsultës me mjekët, ndërsa i treti vijon ekzaminimet në urgjencë.
Në Spitalin Universitar të Traumës kanë marrë ndihmë mjekësore dy përfaqësuese të medias, të cilat janë larguar pas ekzaminimeve, jashtë rrezikut për jetën. Policia e Shtetit ka shoqëruar 23 persona pas episodeve të dhunës gjatë tubimit të zhvilluar mesditën e sotme pranë godinës së Ministrisë së Arsimit. Sipas policisë, gjatë protestës janë dëmtuar rrethimi, porta hyrëse, xhamat dhe fasada e institucionit.
Avokati i Popullit ka nisur një hetim administrativ për të verifikuar nëse Policia ka përdorur forcë në mënyrë të nevojshme dhe proporcionale gjatë protestës së zhvilluar sot tek Ministria e Arsimit nga studentët. Sipas njoftimit zyrtar, vlerësimi do të kryhet në përputhje me nenet 2, 3 dhe 11 të Konventës Evropiane për të Drejtat e Njeriut, që lidhen me mbrojtjen e jetës, ndalimin e torturës dhe trajtimit çnjerëzor, si dhe lirinë e tubimit.
Ministri i Brendshëm, Ervin Demo ka dënuar dhunën ndaj punonjësve të Policisë së Shtetit në protestën përballë Ministrisë së Arsimit, pasi gjashtë efektivë mbetën të plagosur gjatë kryerjes së detyrës për garantimin e rendit dhe sigurisë. Përmes një reagimi publik, Demo theksoi se dhuna ndaj punonjësve të policisë nuk mund të konsiderohet ushtrim i së drejtës për të protestuar, ndërsa u bëri thirrje pjesëmarrësve të ruajnë qetësinë dhe të shmangin përshkallëzimin e situatës.
Lexoni edhe:
Të paktën 13 persona kanë marrë ndihmë mjekësore pas protestës dhe përshkallëzimit të saj, sipas njoftimit të Ministrisë së Shëndetësisë dhe Mirëqenies Sociale
Bilanci nga protesta/ 13 të lënduar paraqiten në spital, mes tyre dy gazetare dhe 6 policë
Avokati i Popullit ka nisur një hetim administrativ për të verifikuar nëse Policia ka përdorur forcë në mënyrë të nevojshme dhe proporcionale gjatë protestës së zhvilluar sot tek Ministria e Arsimit nga studentët.
Protesta e studentëve, Avokati i Popullit nis hetimin për përdorimin e forcës nga Policia
Ministri i Brendshëm, Ervin Demo, ka dënuar dhunën ndaj punonjësve të Policisë së Shtetit në protestën përballë Ministrisë së Arsimit, pasi gjashtë efektivë mbetën të plagosur gjatë kryerjes së detyrës për garantimin e rendit dhe sigurisë.
Ministri Demo dënon dhunën ndaj Policisë në protestën studentore: Gjashtë efektivë janë të plagosur
Policia e Shtetit ka shoqëruar 23 persona pas episodeve të dhunës gjatë tubimit të zhvilluar mesditën e sotme pranë godinës së Ministrisë së Arsimit. Sipas policisë, gjatë protestës janë dëmtuar rrethimi, porta hyrëse, xhamat dhe fasada e institucionit.