Aksident me vdekje në Lezhë-Fushë Milot, automjeti përplas kalimtarin
Një këmbësor humbi jetën, pasi u përplas nga një automjet në aksin Lezhë-Laç.
Aksidenti ndodhi rreth orës 20:00 në afërsi të Fushë-Milotit, ndërsa vitimë e aksidentit ka mbetur Pjeter Lleshi, 48-vjeç, nga fshati Dom i Pukës.
Viktima ka qenë duke kaluar nga njëri kah i rrugës në tjetrin kur është pëplasur nga një automjet tip “BMW” që drejtohej nga shtetasi Leks Hamataj.
Përplasja ka qenë e fortë duke i shkaktuar vdekjen e menjëhershme 48-vjeçarit, ndërsa drejtuesi i mjetit është shoqëruar menjëherë në polici.
Nga hetimet e para është bërë e ditur se shkak për aksidentin është bërë ndërprerja e rrugës nga 48-vjeçari si dhe shpejtësia mbi normat me të cilën lëvizte automjeti, duke mos i dhënë mundësi për të manovruar.
Policia ka bërë të ditur se pritet që të merret në pyetje drejtuesi i mjetit për të sqaruar edhe rrethanat e plota të aksidentit.
Kjo është viktima e tretë që shënohet në harkun kohor të 48 orëve në supërtradën Lezhë-Fushë Krujë.