Ardian Çapja kërkon pafajësi: Masakra u bë se u përfshi edhe politika

Ardian Çapja kërkon pafajësi në Gjykatën Kundër Korrupsionit dhe Krimit të Organizuar, me në dosje prej 30 faqesh. Sipas tij, ai nuk ka lidhje me vrasjen e Gentjan dhe Nezir Beqirit në Gusht të vitit 2012 në qytetin e Elbasanit.

Po ashtu Çapja pretendon se se prokuroria e Elbasanit ka montuar implikimin e tij në këtë ngjarje. Hedh akuza edhe ndaj prokurorit Ritvan Suka që sipas tij ngjarjen e Shkurtit të vitit 2016 ku vranë dy familjarë të tij dhe u plagosën 8 të tjerë, nuk po e zbardh sepse është e përfshirë politika.

Në materialin e dorëzuar në Gjykatë, Çapja kundërshton dëshmitë e bashkëpunëtorit të drejtësisë Eris Bardhi. Për të Bardhi është instruktuar nga organi i akuzës në Elbasan me qëllim përfshirjen e tij në vrasje.