Arrestohen ish- drejtuesit e gjimnazit
Arrestohen dy ish-drejtues të shkollës së mesme ‘Mihal Shahini’ në Cërrik.
Ish- drejtori, Albion Vogli dhe nëndrejtori aktual i gjimnazit Koço Komino u arrestuan nga policia e Elbasanit për shpërdorim detyre.
Sipas bluve, dy zyrtarët e lartë kanë lëshuar dëftesa gjimnazi false për 3 persona.
Nga policia ka nisur procedim penal në gjendje të lirë edhe ndaj shtetasve me iniciale E.B, M.R dhe S.B.
Ndërkaq materialet iu referuan Prokurorisë për hetime të mëtejshme.