Benet Beci: Shiroka e bukur dhe magjepsëse edhe në të ftohtin e dimrit!

Shiroka e bukur edhe në të ftohtin e dimrit! – shkruan kryebashkiaku, Benet Beci, në një postim që ai ka shpërndarë në rrjetet sociale, duke e shoqëruar këtë post me një fotogaleri, ku shpërfaqet bukuria e kësaj pike atraktive të qytetit verior, kësaj pikete të rëndësishme të turizmit të Shkodrës. Në foto shihen shpend të ndryshëm migratorë që kanë habitatin e tyre të natyrshëm aty, peshkatarë me varkat e tyre që pluskojnë në ujin që ka marrë një ngjyrë të errët, në horizont majat e maleve që e shohin qytetin, janë mbuluar nga bora.

Shiroka edhe në këto ditë fillimdimi, me temperatura të ulëta dhe një erë e ftohtë që shfikullon, pret dhe përcjell vizitorë që e sodisin dhe e përjetojnë këtë mrekulli të liqenit që shtrihet si një magjepsje para syve adhurues. Natyra këtu ndriçon me një hijeshi të papërsëritshme, ku çdo detaj – nga shkëlqimi i ujit të ftohtë e deri te silueta e mjegullt e maleve – krijon një peizazh që duket sikur ka dalë nga një pikturë. Shiroka mbetet një thesar, një frymëzim për poetët, një qetësi për shpirtrat e lodhur dhe një thirrje për të gjithë ata që kërkojnë të shijojnë bukurinë e pakompromis të natyrës në harmoni të plotë me njeriun.
Albert Vataj