Bënte spektakël me makinë në plazhin e Velipojës, gjobë drejtuesit dhe heqja përfundimtare e lejes së drejtimit

Policia e Shtetit, duke ju referuar një materiali filmik të publikuar nga në një portal, dërguar nga një pushues në plazhin e Velipojës, ka shprehur përmes një postimi në mediat sociale, për reagimin e Drejtorisë Vendore të Policisë Shkodër.

Në njoftimin e saj Policia e Shtetit bën me dije se:
Në lidhje me një video të publikuar në rrjetet sociale, ku shfaqet një automjet duke lëvizur në bregdet, pranë pushuesve në Velipojë, ju informojmë se:
Shërbimet e Stacionit të Policisë Velipojë, në bashkëpunim me Specialistët e Sektorit të Policisë Rrugore, kanë identifikuar drejtuesin e mjetit. Nga verifikimet rezultoi se ky shtetas qarkullonte me leje drejtimi të pezulluar.
Ndaj tij u vendosur masa administrative prej 40 000 lekësh të rinj dhe heqja përfundimtare e lejes së drejtimit;
Drejtuesi i automjetit shtetasi B. M., 43 vjeç, banues në Velipojë, ka detyrimin për ndjekjen e kursit për rimarrjen e lejes së drejtimit.
Policia e Shkodrës fton qytetarët të denoncojnë çdo shkelje të rregullave të qarkullimit rrugor në numrin 112 apo në Komisariatin Dixhital. Garantojmë se çdo rast do të trajtohet me reagim të menjëhershëm dhe në përputhje me ligjin.