Berisha: Heqja e pasaportës është një formë arrestimi. Prokurorja Enkeleda Millonai, bandite e shtetit

”Detyrim paraqitje” është masa e sigurisë, por Sali Berisha thotë se është e pavlefshme pasi duhej të ishte marrë fillimisht autorizim nga Kuvendi i Shqipërisë. Kurse për bllokimin e pasaportës, tha se është një formë arrestimi me ”detyrim paraqitje”.

”Është njëlloj heqje lirie, derisa më merr pasaportën unë nuk shkoj jashtë shtetit. Kërkon dorëzimin e pasaportës, është në vendim. De facto kjo është një formë arrestimi me detyrim paraqitje”, u shpreh në ”Opinion”. Po ashtu Berisha ka hedhur akuza ndaj prokurores së SPAK-ut Enkeleda Millonai, e cila po heton çështjen ndaj tij dhe kërkoi detyrim paraqitje dhe ndalim për daljen jashtë vendit.

”Ajo është një bandite shteti. Në mënyrën më të pakonceptueshme merr dosjen e gjykimit në gjykatë, letrën e një padie civile midis Jamarbër Malltezit dhe Taulant Ballës dhe për të mos lejuar Jamarbër Malltezin të shkojë në Gjykatë Kushtetuese, e mban 3 vjet dosjen që s’mund ta bënte. Po ta kishte burrë Taulant Ballën, s’mund ta bënte, po ta kishte të dashurin e vetë Taullant Ballën s’mund ta bënte”,-tha më tej Berisha.