Bie në kanal një makinë në autostradën Fier-Lushnje, s’ka të lënduar

Një aksident ka ndodhur pasditen e sotme në autostradën Fier-Lushnje. Drejtuesi i automjetit ka humbur kontrollin duke dalë nga rruga dhe për pasojë ka rënë në një kanal.

Fatmirësisht, drejtuesi i mjetit nuk është lënduar. Dëmet materiale janë të konsiderueshme. Policia dhe grupi hetimor ndodhen ne vendgjarje për zbardhjen e shkakut të aksidentit.