Burgje private në Shqipëri, Naço në Londër për të marrë eksperiencë

Qeveria shqiptare ka në plan të ngrejë burgje private për të dënuarit deri në 5 vjet dhe për këtë arsye, ministri i Drejtësisë Nasip Naço dhe kreu i Komisionit të Sigurisë Kombëtare, Spartak Braho, janë duke kërkuar eksperiencën e Britanisë së Madhe.

Kështu, gjatë një vizite në Londër, Naço dhe Braho kanë hyrë në bisedime me ministrin e Burgjeve, Andreus Selous për organizimin dhe funksionimin e burgjeve private, elementët e sigurisë në sistemin e burgjeve dhe shërbimin e proves.

Burimet zyrtare thanë se gjatë takimit me ministrin e Burgjeve, Shërbimit të Provës dhe Rehabilitimit në Mbretërinë e Bashkuar, biseda u fokusua pikërisht në reformat e ndërmarra në drejtim të përmirësimit të sistemit të burgjeve në vendin tonë, përmes përvojës dhe modelit të sistemit penitenciar të Mbretërisë së Bashkuar.