Bushati kërkon mbështetjen Gjermane

Në kuadër të turit për të marrë mbështetjen e duhur që i duhet Shqipërisë, pas dështimit për çeljes e negociatave të anëtarësimit me BE këtë vit, ndalesa e radhës e delegacionit shqiptar është Gjermania.

Ministri për Evropën dhe Punët e Jashtme, Ditmir Bushati ndodhet në Gjermani, ku do të takohet me Ministrin e Jashtëm gjerman, Heiko Maas.

Në fokus të takimit do të jetë procesi i integrimit dhe ndërveprimi me Gjermaninë, bashkëpunimi rajonal dhe çështjet e sigurisë.

Në fund të takimit pritet që dy ministrat Bushati dhe Maas të zhvillojnë një konferencë të përbashkët për shtyp.