Çeki, sulm me armë në një restorant, 8 të vrarë

Të paktën tetë persona kanë gjetur vdekjen si pasojë e të shtënave me armë zjarri në një restorant në lindje të Çekisë. 

Mediat çeke njoftojnë se ngjarja e rëndë ka ndodhur në qytetin Uhersky Brod. Sipas zyrtarëve lokalë, një person i armatosur, i paidentifikuar ende është futur në restorant dhe ka hapur zjarr ndaj njerëzve që ndodheshin brenda.

Fati i agresorit nuk dihet, por një zyrtar i policisë cituar nga mediat lokale tha se ai ‘është neutralizuar’. 

Besohet se në momentin e të shtënave në restorant kanë qenë rreth 20 persona, klientë e staf.