Dalin emrat, kush janë qytetarët e plagosur në protestë

Protesta e sotme përballë Kuvendit nga banorët e zonës së Astirit që preken nga projekti i Unazës së Re është shoqëruar me përplasje dhe tensione mes protestuesve dhe policisë, ndërsa nuk kanë munguar tymueset dhe mjetet piroteknike.

Si pasojë e përplasjeve mes dy palëve janë plagosur 12 punonjës policie si dhe disa qytetarë që merrnin pjesë në protestë.

Policia ka konfirmuar se 12 punonjës të policisë po marrin trajtim mjekësor në spitalin e Traumës, por ende nuk nuk ka reagim për qytetarët e plagosur.

Ndërkohë PD bën me dije se në protestë janë plagosur qytetarët Adelina Shehu, Adem Cara, Lindita Protoduari, të cilët po marrin mjekim në spital.