Disa Imamë në Maqedoni, Kosovë e Shqipëri mbahen nën survejim nga shërbimet sekrete të huaja

Frika për akte terroriste të ngjashme me ato në Parisë ka shtuar vigjilencën e shërbimeve sekrete maqedonase, por jo vetem te Maqedonise,  të cilat kanë vënë nën survejim aktivitetin e  imamëve shqiptarë në xhamitë e Shkupit, Kumanovës dhe Tetovës, raporton tetova.com. 

Autoritetet maqedonase ndjekin me kujdes të gjitha  ligjëratat e mbajtura nga imamët në këto xhami, takimet e tyre me qytetarët, por edhe postimet e videove fetare në youtube e facebook. Ato po survejohen dhe nga sherbimet e huaja intelegjente qe kane zyra ne Shkup, Kosovë dhe Tiranë. Vëmendja është e përqëndruar tek ata elementë që propagandojnë se pjesëmarrja në luftën e Sirisë bëhet për qëllime të shenjta. Ndikimi i të rinjve nga propaganda fetare shton shqetësimin se ata mund të përdoren për kryerjen e akteve terroriste.

Nga statistikat zyrtare mësohet se janë më shumë se 30 shqiptarë të Maqedonisë që kanë marrë pjesë në konfliktin sirian, 4 prej të cilëve kanë mbetur të vrarë në luftime. Për të parandaluar këtë fenomen  parlamenti i Maqedonisë ka sjellë edhe një ligj ku çdo qytetar që shkon për të luftuar dhe i bashkangjitet ndonjë ushtrie të huaj do të dënohet me minimum 5 vjet heqje lirie.

Po keshtu ne Shqiperi disa xhami e imame jane nen survejim per kete motiv, sidomos ne Tirane dhe ne Elbasan. Ndersa ne Kosove tre jane imamet qe survejohen ne cdo levizje.Krahas vezhgimit e survejimit te ketyre imameve e xhamive sherbimet sekrete po hetojne dhe pergjojne levizjet e personave qe kane lidhje e miqesi me keto Imame, te cilet jane ne qender te hetimit.

Te pyetur nga gazetaret nese ka hetimë mbi disa Imame, ministrite perkatese , pra ministria e brendshme e Shqiperise,Maqedonise dhe Kosove mohojne formalisht pergjimin per keto Imamë, por e verteta eshte se jane ne ndjekje. Brenda ketyre xhamive qe hetohen apo dyshohet sherbimi sekret ka infiltruar "besimtare" per te raportuar.