Daut Laze është personi më i kërkuar nga policia. Ai u arratis në mënyrë spektakolare nga ambientet e burgut të Shënkollit në Lezhë.
49-vjeçari i cilësuar me rrezikshmëri të lartë shoqërore nuk është gjendur. Në këmbim të çdo informacioni që të çon tek i arratisuri janë vënë që ditën e parë 10 mijë euro.
Kontrollet janë përqendruar në objekte të pabanuara, në xhami, apo të afërm të tij në Tiranë ku jetonte apo dhe në Çorovodë ku ka lindur.
Pas arratisjes së tij, u arrestuan tre punonjës të burgut të Shënkollit, për shpërdorim detyre. Laze qëndronte i vetëm dhe nuk shoqërohej me njeri, madje në disa raste u kishte kërkuar të qëndronte i vetëm në qeli.