Drejtuesit e furgonave protestë para Bashkisë së Beratit: Kemi 22 ditë pa punë

Drejtuesit e mjeteve të transportit ndërqytetas 8+1, kanë zhvilluar sot një protestë përpara Bashkisë së Beratit, për të kërkuar rifillimin e punës.

Shoferët thonë se prej 22 ditësh nuk po punojnë, pasi Bashkia ka limituar nga 80 në 3, numrin e mjeteve për shërbimin e transportit 8+1.

Sipas drejtuesve të këtyre mjeteve, tashmë transportin ndërqytetës po e kryejnë vetëm autobusët, duke bërë që dhjetëra qytetarë të mbeten pa punë.