Tritan Shehu flet për ministrin teknik të PD

Deputeti i Partisë Demokratike, Tritan Shehu ka komentuar lajmet e shërndara ditët e fundit për vijimin e detyrës nga ministri teknik i PD-së, Dritan Demiraj përgjatë “Qeverisë Rama 2”. Sipas tij, ky lajm është i rremë dhe ka për qëllim përbaltjen e PD.

“Mbasi u shfry tullumbaci i koalicionit me LSI-në, po fryhet një tjetër, ai i lidhjeve imagjinare PD-PS!”, – shkruan deputeti.

Postimi i plotë

Përsëri me “FAKE NEWS” për të përbaltur PD-në! Mjegullnaja e radhës: Ministri Demiraj do të vazhdojë si ministër edhe në “Qeverinë Rama 2”!!!

Dhe mbas kësaj “shkrehen bateri topash” kundër Bashës e politikave të PD; pa dyshim edhe nga “dashamirës” të PD!

Mbasi u shfry tullumbaci i koalicionit me LSI, po fryhet një tjetër, ai i lidhjeve imagjinare PD-PS!

Sa shumë fabrika dezinformimi janë sponsorizuar? Apo është një e vetme me shumë finale??? E gjithë kjo më kujton “Pallatin e Ëndrave” të të madhit Kadare.