Durrës, grabiten 2 karburante

Dy karburante janë grabitur  paraditen e sotme pothuajse në të njejtën kohë. Ngjarja ka ndodhur paraditen e sotme në zonën e Fllakës, Durrës, por nga policia janë raportuar vetëm në orët e mbrëmjes.

Sipas policisë, katër persona të armatosur kanë grabitur brenda disa minutave dy karburantet në të dy anët e autostradës Tiranë-Durrës.

Sipas informacioneve të para autorët kanë qenë duke lëvizur me një automjet të bardhë “Golf” pa targa. Autorët pasi kanë kryer grabitjen janë larguar në drejtim të paditur. Nuk dihet shuma e parave të marra, ndërsa forcat policore janë vënë në ndjekje të grabitësve.