Durrësi do bëhet si Dubai, Mohamed Alabbar: Projekti konkretizohet në shtator

Projekti për transformimin e portit të Durrësit nga një port mallrash, në një marinë për jahte, godina banimi dhe hotele është duke avancuar. Mohamed Alabbar themelues dhe pronar i kompanisë EMAAR me qendër në Dubai, në një intervistë për “Top Channel”, thotë se puna do të nisë menjëherë pasi kontrata e këtij investimi me vlerë 2 miliardë dollarë të miratohet në parlament në Shtator.

Muhamed Veliu: Zoti Alabbar faleminderit për kohën tuaj për këtë intervistë në Top Channel. Prej njoftimit të parë të transformimit të pjesës ballore ujore të portit të Durrësit kanë kaluar gati 3 vjet. Për çfarë e keni shfrytëzuar këtë kohë?

Mohamed Alabbar: Një pyetje e mirë. Tre vjet për mua janë shumë në negocimin e një marrëveshje. Por më duhej të respektoja rregullat e Shqipërisë ato të BE-s. Qeveria shqiptare ishte e prirur për këtë projekt me shumë transparencë të ndiqte të gjitha ligjet rregulluese të BE-s. Një kohë e gjatë dhe komplekse. Të jem i sinqertë me ju, goxha e vështirë por jam shumë I kënaqur që kjo tashmë ka përfunduar. Kam marrë përsipër disa risqe duke prodhuar disa projekte maketesh dhe kjo më jep mundësinë në nis punën brenda tre muajsh.

Muhamed Veliu: Kur do të nisë puna në terren për transformimin e portit të Durrësit?

Mohamed Alabbar: Meqë gjatë këtyre tre viteve unë nuk e kisha një kontratë dhe nuk e kisha mundësinë çfarë të komunikoja me njerëzit. Tani kam çfarë t’u them pasi kontrata ka shkuar në parlament për firmën finale. Shpresojmë të nisim punën pas tre muaj dhe banesat e para ku do të banojnë njerëzit të jenë gati pas dy vitesh. Për sa i përket portit marina dhe hoteleve unë dëshirojmë që ne të bëjmë përparim të shpejtë. Projekti më i afërt i joni që mund të shikoni është ai në Serbi. Shikoni se çfarë ne kemi bërë në 6 vite. Ky këtu do të jetë edhe më i shpejtë sa ai në Serbi falë vendndodhjes, detit në këtë projekt global jo vetëm për Shqipërinë.

Muhamed Veliu: Ka patur raportime dhe komente në median shqiptare në lidhje me kompaninë “Eagle Hills Real Eastate Development” dhe Albanian Sea ports Development”. Këto dy kompani a janë pjesë e EMAAR Grup apo cfarë?

Mohamed Alabbar: Kompania Eagle Hills natyrisht është e imja operon në fushën imobilare , është në Serbi dhe shumë vende. EMAAR ka në përbërje edhe këtë kompani ndërsa tjetra Sea Port është e qeverisë shqiptare dhe pronare e portit të Durrësit. Pra kemi të bëjmë në një mardhënie mes Eagle Hills dhe kompanisë qeveritare shqiptare. Ku kam parë këto komente pyetja e parë që duhet të bëhet se si unë mund t’ja kem shitur të tjerëve këtë projekt pa pasur një kontratë. Si mund të shesësh diçka që nuk e ke. Çfarë është thënë janë të pavërteta. Unë nuk shes asgjë dhe jam në këtë biznes prej 30 vitesh. Ju do të shikoni vetëm fytyrën time gjithë kohës. Unë nuk dëshiroj të shes asgjë apo qoftë edhe një pjesë pasi pëlqej të kontrolloj gjithçka që bëj. Nëse sjell një partner zakonisht ne nuk shkojmë mirë sepse unë i tejkaloj shpenzimet për gjëra të bukura, për pemë, cilësinë e derës së shtëpisë tuaj e kështu shumë investitorë më thonë, jo jo nuk kemi pse shpenzojmë kështu. Ju lutem çfarë thuhet janë të gabuara.

Muhamed Veliu: Cfarë do tu thoshit atyre politikanëve të opozitës të cilët nuk kanë besim në këtë projekt e u thonë shqiptarëve, citoj “mos blini apartamente në këtë projekt”?

Mohamed Alabbar: Njerëzit janë të lirë të thonë ç’të duan madhe edhe ata të opozitë por nuk dua të hy politikë. Dua tu them njerëzve të kërkojnë me emrin tim në internet se çfarë kam bërë unë në jetën time. Të lexojmë lajmet rreth meje këtij njeriu që vjen nga Lindja e Mesme se çfarë ai ka bërë këto 30 vite dhe pastaj të vendosin vetë. Nuk dua të mbroj vetën time. Di tju them se çfarë bëj e bëj mirë, e bëj me zemër. Ka gjëra special në jetë për të cila besoj se janë dhuratë nga Zoti. Le të thonë ç’të duan. Janë të lirë. Në fund të ditës do të vinë e shikojnë atë që do bëjmë. Le tu hipin makinës e të shkojnë të shikojnë çfarë kemi bërë në Serbi e pastaj të mendojnë nëse ia vlen të jesh pjesë e kësaj.

Muhamed Veliu: Flisni me pasion për atë që keni bërë në shkuarën, projektin në Serbi por çfarë është e veçantë me këtë projekt në Shqipëri?

Mohamed Alabbar: Kur ne punojmë sikurse ju në punën tuaj ne përparojmë, avancojmë, ndryshojmë drejt më të mirës. Tani eksperienca jonë është shumë shumë më e mirë. Çfarë kemi bërë në Dubai është e jashtëzakonshme. Sikurse bëmë diçka unike në Serbi. Ne mësojmë. Bota ndryshon. Projektet avancojnë krahasuar me atë që kërkohej dy vite më parë.

I thosha me parë kryeministrit tuaj se me këtë projekt dua të jem në konkurrencë me Monakon kurse sot kam ndryshuar mendjen tërësisht . Ajo që ne do të krijojmë në Durrës do të jetë një pjesë e përkryer bukurie. Jo apartamentet që ne do shesim. Ajo është pjesa me lehtë për ne. Por kur ju të dilni nga shtëpia duam që të keni pamje fantastike, të ecni përmes një bukurie duke dëgjuar muzikën më të mirë, të shikoni art të mrekullueshëm e rrethuar nga teknologjia më e avancuar.

Në këtë moshë që jam e dashuroj ta bëj këtë. Marina që do të ndërtojmë duhet të jetë ajo e të ardhme sepse nuk duhet të jetë për llojin e jahteve por për kushtet e atmosferën e jetesës. Ne duan nëse mbërrin njëherë në Durrës të mos largohesh më kurrë. Nëse do tja arrijë kësaj atëherë do të jetë festa e jetës time.