Dy javë në koma, lindi fëmijën në muajin e 6-të por nuk mundi të…

Mjekët kanë qenë të detyruar të sjellin në jetë të hënën pasdite rreth orës 17:00, foshnjen e gruas shqiptare, e cila pësoi një hemoragji cerebrale pak ditë më parë, teksa ishte shtatzënë në muajin e gjashtë dhe ra në gjendje kome.

Fëmija e nënës së re shqiptare u transferua menjëherë në njësinë e kujdesit intensiv neonatal, por sipas mediave italiane ajo ndodhet në rrezik dhe po monitorohet nga mjekët e spitalit.

Për të bërë lindjen e fëmijës dhe për të shmangur ndërlikimet e mundshme, u vendos të pritej për muajin e shtatë, por dje gruaja i është nënshtrtuar një operacioni urgjent. Shqiptarja u pa se nisi te kishte kontraktimet e lindjes dhe për këtë arsye u vendos që të ndërhyhet me kirurgji e prerjeje cezariane.

Gjendja e foshnjës, e lindur në javën e 27 dhe 4 ditë, për fat të keq, nuk është dhe nuk do të jetë e mirë.

Ajo tani do të nënshtrohet në të gjitha testet e nevojshme mjekësore për shkak, se nuk ka hyrë ende në muajin e shtatë, dhe ekziston gjithmonë rreziku që mund të ketë probleme të mushkërive, që janë ende të paformuara, apo shikimi dhe dëgjimi, sepse truri nuk është zhvilluar plotësisht.