E bukura kushton! Kush viziton Venecian duhet të paguajë

Tarifa e hyrjes në Venecia do të rifillojë nga sot me risinë kryesore këtë vit që turistët e minutës së fundit do të paguajnë dyfish.

Vitin e kaluar, për të ulur numrin e turistëve që vinin vetëm për një ditë, Venecia vendosi një pagesë për hyrjen në qytet gjatë periudhave kur ka shumë vizitorë. Ky ishte një eksperiment për të menaxhuar më mirë turizmin dhe për të mbrojtur qytetin.

Venecia u bë qyteti i parë turistik i madh në botë që ‘taksoi’ njerëzit për të hyrë. Më shumë se 35,000 udhëtarë ditorë kanë rezervuar tashmë një biletë, sipas Venezia Today.