FOTO/ ”Falja është njerëzore”, të dënuarit peticion për miratimin e amnistisë penale

Në një kohë që amnistia penale nuk po gjen numrat e duhur për tu votuar në seancë plenare, të dënuarit në burgun e Durrësit kanë hartuar një peticion përmes të cilit kërkojnë që të miratohet amnistia penale në Parlament dhe të mos mbahen peng i qëndrimeve politike. “Falja dhe amnistia është njerëzore dhe të dënuarit duan që politika mos t’ua çojë dëm këtë mundësi për liri”, shkruhet në peticionin drejtuar kryeministrit Edi Rama, kryeparlamentares Lindita Nikolla, ministrit të Drejtësisë, Ulsi Manja dhe Grupeve Parlamentare.