FOTO/ Pankartat kundër qeverisë, thirrje për drejtësi dhe ndëshkim

Protestat kundër qeverisë së Edi Ramës kanë vijuar edhe në ditën e 73-të, ku qytetarët kanë shprehur pakënaqësinë e tyre përmes pankartave dhe mesazheve drejtuar institucioneve të drejtësisë.

Në qendër të thirrjeve të protestuesve ka qenë SPAK-u, të cilit i kërkohet të hetojë dhe të mbajë përgjegjës zyrtarët që akuzohen për korrupsion dhe shpërdorim të pushtetit.

“73. Heshtja nuk është zgjedhje”, “Zyrat e shtetit nuk janë shpella hajdutësh”, “SPAK, drejtësi apo amnisti?” dhe “Hajdutët në burg, jo në Evropë” ishin disa nga pankartat që tërhoqën vëmendjen gjatë protestës.

Një tjetër mesazh i protestuesve lidhej me integrimin evropian të vendit: “Me hajdutë në qeveri, s’ka BE për Shqipërinë”.