Gruaja që vrau burrin në Gjirokastër: Pinte alkool dhe prishte paratë

Dituri Meni, 62-vjeçarja që vrau me thikë dy ditë më parë të shoqin në Gjirokastër, ka thënë se ai pinte alkool dhe prishte paratë.

Megjithatë, ajo ka thënë se nuk kishte si qëllim që ta vriste të shoqin 66-vjeçar.

“Burri im nuk ishte i disiplinuar.

Ai vinte vonë në shtëpi dhe pinte alkool. Dilte pasdite nga shtëpia dhe i harxhonte lekët nëpër lokale dhe në mbrëmje kthehej i dehur.

Mes nesh kishte pasur edhe herë të tjera debate, por kësaj herë ai më qëlloi.

Mu errësuan sytë dhe mora një thikë. Nuk desha ta vrisja, por kisha frikë pasi ai mu vërsul” ka thënë ajo gjatë dëshmisë së vet në polici.