Helmi i minjve mbyll fabrikën në Durrës

Pesë punonjëse të një kompanie gjermane që operon në tregun shqiptar në prodhimin e sistemeve kabllore, janë paraqitur mesditën e sotme pranë urgjencës spitalore në Durrës me simptoma helmimi. Edhe punonjëse të tjera kanë paraqitur simptoma të ngjashme dhe janë dërguar nga përgjegjësit e tyre në shtëpi.

Situata u krijua nga dezinfektimi për minj brenda ambienteve të fabrikës. Drejtuesit e saj nuk pranuan të prononcohen në lidhje me situatën për të cilën po hetohet.

Ky nuk është rasti i parë i helmimit të punonjësve në ambientet e punës. Në disa raste të ngjashme, simptoma asfiksie dhe helmimi kanë paraqitur punonjës të disa fasonerive po në Durrës.