Homazhet për Margarita Xhepën, Ndriçim Xhepa rrëfen dëshirën e fundit të nënës së tij

Djali i aktores Margarita Xhepa, Ndriçim Xhepa rrëfeu sot për mediat dëshirën e fundit të nënës së tij, e cila mbylli sytë një ditë më parë në moshën 91-vjeçare.

Ai u shpreh se aktorja ikonike dëshironte të luante edhe një film.

“Mbylli jetën e saj në mënyrë normale pavarësisht se dy muajt e fundit kishte probleme të karakterit shëndetësor, lodhjet e viteve bëjnë të vetën. Kishte një natyrë të çuditshme, madje kur binte biseda në momente të shkëputura, kishte vite që thoshte për skenë nuk kam fuqi, por për filmin kishte dëshirë të bënte edhe një. Filmi ‘Bolero në vilën e pleqve’ përkon edhe me fundin e jetës së saj”, tha Xhepa.