Hyn në fuqi vendimi, sa do të paguhen pedagogët

Zbardhet vendimi dhe pagat e reja që marrin pedagogët duke filluar nga ky muaj. Janë 5 milionë USD që qeveria ka vënë në dispozicion për personelin akademik për një rritje që varion nga 10 – 35% për ata me pagë minimale.

Kështu, një lektor i thjeshtë do të paguhet jo më pak se 73.4 mijë lekë; profesori e zëvendësdekanët 121 mijë, ndërsa titullari i universitetit do të përfitojë gati 139 mijë lekë në muaj. Përveç pagave është rritur edhe masa e pagesës për orët mbi normë./Panorama