I dalin para për ta grabitur tek mbikalimi i Fushë Krujës – Nisin hetimet

Një tentativë grabitjeje është shënuar në mes të ditës tek mbikalimi i Fushë Krujës.

Rreth orës 12:00 të 10 prillit, persona të paidentifikuar i kanë dalë para një makine, e cila drejtohej nga një 50 vjeçar me qëllim grabitjen.

Në moment shtetasi B.D nga Fushë Kruja ka devijuar duke mos ndaluar.

“Në ikje e sipër të 50-vjeçarit autorët kanë qëlluar me armë automjetin e tij, në pjesën e përparme”  informon policia e Durrësit.

Menjëherë në vendngjarje kanë shkuar efektivët e policisë, të cilët po punojnë për identifikimin dhe kapjen e autorëve