I dehur në timon, 45 vjeçari fyen dhe kundërshton policinë. Vihet në pranga

Një 45 vjeçar është vënë në pranga, pasi drejtonte mjetin në gjendje të dehur ka fyer dhe kundërshtuar punonjësit e Policisë në Laç.

Shtetasi me iniciale K.H, banues në Kurbin, drejtonte mjetin në gjendje të dehur dhe nuk i është bindur urdhrit të punjonjësve të Policisë Rrugore gjatë ushtrimit të detyrës së tyre, duke i fyer dhe kundërshtuar.

Gjithashtu, gjatë fundjavës janë janë vënë në pranga dhe 5 shtetas, për drejtim mjeti pa lejen përkatëse të drejtimit, si dhe drejtuesi i mjetit të përfshirë në një aksident, me pasojë vdekjen e një këmbësori.

Njoftimi i policisë:

Drejtonte mjetin në gjendje të dehur, fyen dhe kundështon punonjësit e Policisë, vihet në pranga nga Policia.

Specialistët e qarkullimit rrugor bënë arrestimin në flagrancë të shtetasit K. H., 45 vjeç, banues në Kurbin, pasi në dalje të qytetit të Laçit, u kap nga sherbimet e Policisë duke drejtuar mjetin në gjendje të dehur dhe nuk i është bindur urdhrit të punjonjësve të Policisë Rrugore gjatë ushtrimit të detyrës së tyre, duke i fyer dhe kundërshtuar.

Gjithashtu, nga rrugorët e Lezhës, gjatë fundjavës, janë vënë në pranga dhe 5 shtetas, për drejtim mjeti pa lejen përkatëse të drejtimit, si dhe drejtuesi i mjetit të përfshirë në një aksident, me pasojë vdekjen e një këmbësori.

Policia rrugore e Lezhës vijon zbatimin e planit për shtimin e kontrolleve, për rritjen e parametrave të sigurisë, orientimin dhe këshillimin e drejtuesve të mjeteve për respektimin e rregullave të qarkullimit rrugor, si dhe ndëshkimin administrativ dhe ligjor të shkelësve.