I moshuari gjendet i vdekur në Patos

Një person është gjetur i vdekur një ditë më parë në Patos.

Viktima është B.Q, 67 vjeç, i cili banonte në lagjen “Naftëtari”. Burime zyrtare nga policia bëjnë me dije se ai është vetëvrarë me armë zjarri.

Në cilësinë e provës materiale, u sekuestrua arma çifte teke tip Bajkal.

Nga veprimet e kryera rezulton se ky shtetas jetonte i vetëm dhe kurohej nga sëmundje depresive.

Materialet i kaluan Prokurorisë së Rrethit Gjyqësor Fier për vlerësim.