I vuri zjarrin tokës së tij por u dogjën disa dylym shkurre, ndalohet 27-vjeçari

Një 27-vjeçar është ndaluar nga policia e Gjirokastrës pasi akuzohet për shkatërrim të pronës me anë të zjarrit.

Policia sqaron se në pranga u vu shtetasi Ermal Isaraj, 27 vjeç, banues në fshatin Humelicë, Gjirokastër.

Ndalimi i këtij shtetasi u bë pasi: “Në datë 08.08.2017 dyshohet se ka vendosur zjarr në tokën e tij, në vendin e quajtur “LUFAT”, në fshatin Humelicë, por s’ka mundur ta kontrolloj dot zjarrin dhe si pasojë është djegur një sipërfaqe prej gjashtë dylym me shkurre.”

Materialet i kaluan Prokurorisë së Rrethit Gjyqësor Gjirokastër për veprime të mëtejshme.