IKMT nis prishjen e një objekti 3-katësh tek Universiteti Bujqësor

Inspektorati Kombëtar i Mbrojtjes së Territorit rinis prishjen e ndërtimeve të kundërligjshme në ambientet e Universitetit Bujqësor Tiranë.

Puna ka filluar me një objekt tre katësh (dy kate plus papafingo), 204 metër katrorë me posedues B.K.

IKMT thotë se ky objekt është përjashtuar nga proçesi i legalizimit me Vendimin nr.14735 datë 1.12.2016 të ALUIZNI-t.

Në këtë zonë, ky është ndërtimi i parë që prishet për këtë vit, ndërkohë që gjatë muajit dhjetor u prishën 24 objekte.

Operacioni është ndërmarrë në kuadrin e rikthimit të këtij institucioni publik në shërbim të studentëve dhe pedagogëve.