Kryeministri Edi Rama në një intervistë të dhënë për “Financial Times” ka deklaruar se “ne kemi nevojë për super luks, ashtu si një shkretëtirë ka nevojë për ujë”, duke iu referuar planeve të Jared Kushner në Shqipëri.
Rama sqaron se qasja fillestare për projektin miliona dollarësh të dhëndrit të ish-presidentit amerikan, Donald Trump, për transformimin e ishullit të Sazanit u bë nga vetë Kushner.
Në mars Rama tha se Kushner ka bërë një kërkesë zyrtare për ishullin e Sazanit, që ai të investojë aty për ngritjen e një resorti turistik luksoz.
Sipas Ramës ky investim do të sjellë fitime të jashtëzakonshme për Shqipërinë, pasi në idenë e ngritjes së një zone luksi turistik, një turist aty pritet të shpenzojë një shumë aq sa 100 turistë të zakonshëm në vend, duke u kthyer kështu në një zonë të turizmit të lartë për herë të parë në Shqipëri.