Iu vu zjarri qëllimisht, shkrumbohen dy makina në Tiranë

Mëngjesin e sotëm në Tiranë janë djegur plotësisht dy makina.

Policia bën me dije se rreth rreth orës 02:45, në numrin e Emergjencave 112, ka ardhur njoftimi se në rrugën”Shefqet Kuka”, pranë pallateve Amfora ka rënë zjarr në dy mjete të parkuara.

Menjëherë në vendin e ngjarjes janë dërguar shërbimet e policisë dhe zjarrfikëses.

Nga hetimet paraprake të kryera dhe konsultimit me ekspertët dyshohet për zjarrëvënie të qëllimshme në mjetin e shtetasit E. L., i cili është djegur plotësisht, ku si pasojë është djegur nga flakët në pjesën e përparme, mjeti taksi, në pronësi të shtetasit G. Sh.

Grupi hetimor po punon për zbulimin dhe vënien para përgjegjësisë ligjore të autorit të kësaj vepre penale.