Ja akset e rrugeve ku duhet të bëni kujdes.Lista e rrugeve sipas qarqeve

Vijon të mbetet problematike situata e akseve rrugore në vend si rezultat i reshjeve të dëborës dhe ngricave nga temperaturat e ulëta nën zero.

Nga të dhënat e fundit që vinë nga Autoriteti Rrugor Shqiptar dhe Drejtoria e Përgjithshme e Shërbimeve të Transportit Rrugor mësohet se në zonat kryesore të vendit vazhdon të ketë vështirësi në qarkullim, por përgjithësisht gjendja e akseve nacionale paraqitet e permiresuar.

Autoriteti Rrugor Shqiptar kërkon mirëkuptimin e të gjithë drejtuesve të mjeteve, për të zbatuar rregullat e qarkullimit. Deri në orën 09:00 situata e kalushmërisë së akseve rrugore paraqitet si më poshtë:

Qarku Tiranë

Ne akset Trau Dajt – Qafë Mollë – Bizë, Trau Dajt – Antena, Qafë Priskë – Shëngjergj kalimi kryhet normalisht. Qarkullimi rekomandohet te kryhet me kujdes ne segmentet qe nuk i ze dielli, pasi aty formohen ngrica.

Qarku Durrës

Nuk ka probleme ne akset e ketij qarku. Te behet kujdes ne qarkullim, pasi ka trafik të rënduar ne akset e ketij qarku.

Qarku Elbasan

Aksi Librazhd – Steblevë eshte i hapur, por ka ngrica dhe kalimi kryhet me zinxhire. Aksi Elbasan – Gjinar kalohet normalisht Rekomandohen zinxhiret per shkak te ngricave ne aksin Librazhd – Stebleve dhe te evitohen parakalimet ne vendin ku rruga ngushtohet.

Qarku Berat

Nuk ka probleme per qarkullimin e mjeteve. Te behet kujdes per shkak te fluksit te makinave dhe ne segmentet rrugore ku punohet.

Qarku Vlorë

Nuk ka probleme per qarkullimin ne te gjitha akset e ketij qarku. Qarkullimi kryhet normalisht ne te gjitha akset.

Qarku Gjirokastër

Nuk ka probleme per qarkullimin ne te gjitha akset e ketij Qarku. Rekomandohet ecja e kujdesshme , sidomos ne segmentet rrugore qe nuk i ze dielli, sepse ne keto vende formohen ngrica.

Qarku Korçë

Vazhdon puna per hedhjen e kripes dhe skorjeve në akset me prezencë te ngricave, temperaturat gjatë nates kane qene te uleta. Qarkullimi kryhet pa zinxhire ne te gjitha akset e qarkut te Korçës. Por nga temperaturat e uleta ka segmente rrugore ku formohen ngrica. Prandaj rekomandohet qe mjetet te jene te pajisur me zinxhire.

Qarku Kukës

Eshte bere pastrimi i rrugeve dhe jane sperkatur me kripe. Disa akse qarkullohen pa zinxhire.Ne akset Kukes-Draj Reç dhe Bajram Curri-Kam ka prani ngricash. Qarkullimi rekomandohet te behet me zinxhire ne keto akse:Bajram Curri-Kam dhe Kukesi – Draj Reç (Rruga e Rinise), per shkak te temperaturave shume te uleta.

Qarku Dibër

Vazhdon hedhja e kripes ,per shkak te temperaturave shume te uleta gjate nates. Ka prani ngricash ne akset Ura e Cerenecit-Stebleve, Peshkopi – Qafe Draj, Qafe Bualli-Kraste. Qarkullimi rekomandohet te kryhet me zinxhire ne akset Ura e Cerenecit-Stebleve, Qafe Bualli-Kraste, Peshkopi-Qafe Draj(Rruga e Rinise) dhe ne segmentin Sllove-Kalaja e Dodes.

Qarku Shkodër

Vazhdojnë temperaturat e uleta. Aksi Qafe Mali-Flet dhe Qafe Mali – Qafe Shllak ka ngrica qe po trajtohen me kripe. Edhe ne aksin e Razmes ka prani ngricash. Qarkullimi ne akset e Qafe Mali –Flet, Qafe Mali – Qafe Shllak, dhe ne aksin e Razmes, rekomandohet te behet me zinxhire.

Qarku Fier

Nuk ka probleme per qarkullimin. Te behet kujdes ne levizje, per shkak te fluksit të qarkullimit në superstraden Fier – Lushnje

Qarku Lezhë

Nuk ka probleme per qarkullimin. Te gjitha akset jane te pastruara. Te gjitha akset qarkullohen pa zinxhire.