Ja dëmet e shkaktuara nga zjarri në Tepelenë

Zjarri i një dite më parë në fshatin Zharre në Tepelenë ka shkaktuar dëme të konsiderueshme në pemtari dhe bujqësi.

Sipas një përllogaritje të dëmeve bëhet e ditur se janë djegur 74 hektarë tokë kullotë dhe shkurre.

Policia thotë gjithashtu se zjarri dogji 500 rrënjë ullinj, 500 rrënjë hardhi, 600 pemë bajame, 30 pemë arra, 30 pemë mollë dhe 30 shegë.