Kanë ikur kohët e ngrohjes globale, jemi te faza e vlimit global

“Kanë ikur kohët e ngrohjes globale, jemi tek faza e vlimit global“, tha Antonio Guterres, sekretari i përgjithshëm i Kombeve të Bashkuara.

Deklarata e tij vjen pas të dhënave të konfirmuara nga Organizata Meteorologjike në mbarë botën që tregojnë se korriku ka të ngjarë të jetë muaji më i nxehtë ndonjëherë në Tokë.

“Ajri nuk të lejon të marrësh frymë dhe nxehtësia është përvëluese, e padurueshme. Niveli i ndotjes nga lëndët djegëse dhe mosveprimi klimatik është i papranueshëm. Liderët duhet të bëjnë punën e tyre si liderë, pa kërkuar falje e dhënë justifikime. Është ende e mundur të kufizohet rritja e temperaturave mesatare globale deri në 1.5°C, por vetëm me veprim të menjëhershëm drastik“, shtoji Guterres.