Kaos në autostradën Tiranë-Durrës. Përplasen 7 makina me njëra tjetrën, rëndohet trafiku

Një aksident zinxhir ku janë përplasur 7 automjete njëra pas tjetrës është regjistruar mesditën e sotme në autostradën Tiranë-Durrës, duke shkaktuar dëme të mëdha në makinat e përfshira dhe trafik të rënduar në një prej akseve më të frekuentuara të vendit.

Pavarësisht përplasjes së fortë së makinave, fatmirësisht nuk ka persona të lënduar. Nga aksidenti janë shkaktuar vetëm dëme materiale.

Pas ngjarjes u ndërhy menjëherë për të larguar automjetet nga rruga dhe për të rikthyer normalitetin në qarkullim. Megjithatë, trafiku në autostradën Tiranë-Durrës mbetet i rënduar edhe për shkak të fluksit të lartë të automjeteve gjatë sezonit turistik.