Përfaqësues të Ministrisë së Shëndetësisë por edhe mjekë dhe ekspertë të ISHP nuk konfirmojnë nëse një karantinë në vend për të dyshuarit për koronavirus është ngritur në spitalin e Kavajës. Mjeku i njohur infeksionist Tritan Kalo tha në “Real Story” në News24 se janë disa struktura karantine që po bëhen gati në ambiente spitalore dhe jo por shtetërore.
Në përgjigje të pyetjes së gazetarit Erjon Skëndaj se përse nuk bëhen publike, ai tha se nëse do aktivizohen nuk do jenë më sekret.
“Karantina nuk bëhet për personat e sëmurë por ata që kanë pasur kontakte me të sëmurët. Pra për 14 ditë. I sëmuri izolohet. Masat po merren dhe nuk është një objekt i veçantë, janë disa objekte dhe janë shtetërore. Janë struktura spitalore por dhe jo spitalore por shtetërore në të cilat po punohet për të qenë të gatshme në një moment të caktuar. Po punohet si strukturë, si personel për trajnim dhe pajisje. Janë disa hallka. Këto struktura janë të mirëpërcaktuara dhe po bëhen ato hallka. Nëse do aktivizohen nuk do jenë sekret”, deklaroi Kalo.
Në një kohë kur Italia po përballet me momente paniku për shkak të koronavirusit, i cili ka marrë 7 jetë njerëzish deri më tani, mjeku i njohur infeksionist Tritan Kalo deklaroi se përhapja e COVID-19 nuk është e pamundur.
Përballë një grupi mjekësh dhe specialistësh e gazetarë në studion e emisionit ‘Real Story’ në ‘News24’ Kalo pohoi se shkak i përhapjes së shumë sëmundjeve bëhen lëvizjet e njerëzve. Po ashtu teksa u ndal tek disa nga simptomat e këtij virusi, Kalo tha se ai është i ngjashëm me gripin e sezonal, ndërsa shtoi se ky i fundit ka vdekshmëri më të lartë. Po ashtu infeksionisti tha se në Kinë rastet më të mëdha kanë rezultuar me sukses dhe se pacientët janë shëruar për shkak të organizmit të tyre si dhe falë ndihmës mjekësore.
“Në konceptim epidiemologjik, e gjithë bota konsiderohet si krahinë. Mundësia e përhapjes së një sëmundje për shkak të një lëvizje nuk është e pamundur. Pra nuk mund të bëjmë ‘Kasandrën’ dhe të themi; “ka hyrë sot, nesër apo do hyjë pasnesër”. Për shkak të lëvizjes, problemi kryesor është; COVID-19 është një infeksion i ngjashëm në ecuri, përhapje, me gripin sezonal. Në Itali vdesin 217 persona nga gripi sezonal dhe mediatizohet kronavirusi. 98% shpëtojnë. Në kohët kur tamifluja u përdor për grupin e derrit, s’kishte asnjë studim. U përdor një analogji, pasi është një virus që mendohet se një antiviar mund të ketë efekt. Nëse i rekomandoni një mjeku suedez që të përdori Tamiflunë do thotë; “A keni lexuar libra apo jo?”. Organizmi vet është në gjendje të luftojë patologji të ndryshme, i ndihmuar nga trupa mjekësore nëpërmjet shumë gjërave. Mjekët kinezë sot thonë; trajtimi bazë i të sëmurëve me koronavirus bëhet me; vitaminë C, trajtim antipiretik, ato që përdoren për ulje të temperaturave dhe nëse është e domosdoshme dhe asistenca respiratorë kur bën insuficienca. Mjekësia dhe mikroekonomia janë në gjendje të koordinohen dhe të japin rezultate. Në 100 të prekur, 80 prej tyre nuk shfaqin simptoma. Secili prej nesh mund ta kalojnë pa e ditur fare. 10 % e 20% adresohen tek mjeku. Nuk shfaqin asnjë gjë të veçantë. Kollë, dhimbje koke. Është grip. 2 % e tyre, shumë pak bëjnë evoluim dhe 0.7% prej tyre rrezikojnë. Gripi e ka rrezikshmërinë më të lartë.”, tha Kalo.