Liri Berisha në Novoselë, jep ndihma për të përmbyturit

Liri Berisha, gruaja e ish-kryeministrit Berisha, ka shkuar sot në Novoselë të Vlorës për të parë nga afër situatën e shkaktuar nga përmbytjet.

Ajo takoi kryetarin e komunës së Novoselës si i dorëzoi Shtabit të Emergjencës 200 pako me ushqime për t’u ardhur në ndihmë familjeve të përmbytura.

“Kjo është një situatë e vështirë dhe këta banorë sot më shumë se kurrë kanë nevojë për mbështetje,”-tha Liri Berisha nga Novosela.