Manastirliu: Deri më tani janë kryer 1,158,303 vaksinime anti-Covid në vendin tonë (VIDEO)

Që nga fillimi i procesit të vaksinimit në vendin tonë janë kryer 1,158,303 vaksinime kundër koronavirusit.

Ministrja e Shëndetësisë, Ogerta Manastirliu bën me dije se 507,623 qytetarë i kanë marrë të dyja dozat e vaksinës duke qenë në këtë mënyrë më të mbrojtur ndaj virusit.

Qytetarët në një video-mesazh të publikuar nga ministrja shprehen se vaksina është mënyra më e mirë për t’u mbrojtur nga koronavirusi.

“Nëse e doni jetën tuaj, bëjeni vaksinën”, thotë një qytetarë e cila tregon se marrë dozën e dytë të vaksinës kundër Covid-19.