Ministrja Manastirliu: Gushti do të jetë muaji i hapur i vaksinimit masiv për çdo qytetar +18 vjeç

Ministrja e Shëndetësisë, Ogerta Manastirliu, thotë se muaji gusht do të jetë muaj i hapur vaksinimi masiv për çdo qytetar mbi 18-vjeç. Nga qendra shëndetësore nr.1 në Tiranë, ajo tha se 24% e popullsisë është vaksinuar me të dyja dozat e vaksinës kundër Covid-19.

Po ashtu Manastirliu i bëri thirrje çdo qytetari që të paraqiten në qendrat shëndetësore, ose në qendrën më të afërt të vaksinimit me kartën e identitetit, për të kryer vaksinën anti-covid.

“Mbulesa vaksinale po rritet. Jemi 24% e popullatës me 2 doza. Situata është e kontrolluar, por si pasojë e variantit Delta numrat janë rritur në mënyrë të lehtë si edhe shtrimet në spitale. Qytetarët nuk janë të vaksinuar ato që janë të shtruar në spital”, tha Manastirliu.